Мөнхчулуун Сүхбаатар

Мөнхчулуун Сүхбаатар нь иргэний инженер мэргэжилтэй, барилгын салбарт +15 жилийн туршлагатай инженер, төслийн удирдлагын мэргэжилтэн юм. Тэрээр мэргэжлийн карьерынхаа туршид барилгын талбайн инженерээс эхлэн захиалагчийн хяналтын инженер, ерөнхий инженер, төслийн удирдлагын газрын захирал, гүйцэтгэх захирал хүртэлх албан тушаалд ажиллаж, барилгын төслийн бүхий л үе шатанд практик туршлага хуримтлуулсан. Түүний ажилласан төслүүдэд Гэгээнтэн цогцолбор хотхон, Romana Residence, SS Garden, Active Garden, Гэрлүг Виста зэрэг томоохон төслүүд багтдаг. Эдгээр төслүүдийн хүрээнд барилга угсралтын ажил, инженерийн шийдэл, чанар гүйцэтгэл, төсөв, материал хангамж, туслан гүйцэтгэгчдийн удирдлага, улсын комисст хүлээлгэн өгөх зэрэг олон чиглэлээр ажилласан туршлагатай. Удирдлагын түвшинд ажиллах хугацаандаа төслийн хэрэгжилтийг инженерчлэлээс гадна санхүү, нөөцийн удирдлага, процесс, байгууллагын менежмент болон хэрэглэгчийн хэрэгцээтэй уялдуулан авч үзэхийг чухалчилж ирсэн. Мөн инженер, борлуулалтын ажилтнуудын мэргэжлийн чадавхыг хөгжүүлэх хөтөлбөр зохион байгуулж, өөрийн хуримтлуулсан мэдлэг, туршлагаа салбарын дараагийн үеийн мэргэжилтнүүдэд түгээхэд анхаарч ажилладаг. 2024 онд Артифай Делакс ХХК-ийг үүсгэн байгуулж, олон жилийн инженерчлэл, төслийн удирдлага, материал хангамж, менежментийн туршлагаа нэгтгэн, барилгын салбарт илүү чанартай, үр ашигтай, хүний хэрэгцээнд нийцсэн шийдлүүдийг хөгжүүлэх зорилгоор ARTIFY-ийг удирдан ажиллаж байна. Тэрээр 2019 онд “Мэргэшсэн инженер”, 2020 онд “Мэргэшсэн төсөвчин”-ий зэргийг хамгаалсан салбарын жинхэнэ эксперт юм.